19سبتمبر

تأوهات إمرأة تنقصها تاء التأنيث

 

كانت صغيرة حين قبلها أبوها ووعدها أن يعود … لكنه لم يفعل و رحل.

 

كانت كل ليلة تسمع تقلبات أمها على السرير و تأوهات بصوت خفيت كتأوهات المحموم حين تتملك منه رغبة الألم .

 

أكمل القراءة »

18سبتمبر

النساء لا ينجحن في هذه المدينة ؟

 

امبارح انتهيت من مشاهدة مسلسل افراح القبة حيث تعاطفت بشدة مع بطلاته ،لكن في سري ضحكت بشدة هما كلهم كده ..ماحدش فيهم فكرت تنجح بشرف 

يمكن بالعكس افراح القبة مع نهاية كل البطلات المفجعة ،يؤيد فكرة  ان النجاح محتاج دراسة و علم وكفاح مثلا يعني 

و تسألت : ” لماذا النساء في مدينتنا لا ينجحن الا بفتح زرار البلوزة او فتح ساقيها ؟ ” هل هذا قرار مجتمع ؟ هل هذا واقع ام خيال ؟

حاولت استرجاع كل المسلسلات و الافلام التي شاهدتها تتحدث عن مسيرة امراة تنجح ،فا وجدت ان جميعها كان للجمال و الجنس سطوة في نجاحها و لنا في كل افلام الست نادية الجندي اسوة ،حتي المراة التي هزت عرش مصر ،لم يهتز الا سطوة الجنس 

فا هل جمال العقل لا يكفي ؟ هل الذكاء و دهاء المراة لا يكفي ان تسقط صريع لها عزيزي الرجل ؟

تذكرت نصيحة رجل لواحدة عايزة تشتغل في مكان ما : ” اصلا فلان ده بحب البنات الحلوة ، لو واحدة حلوة تطلب منه حاجة ،هايتقبلها ” 

رجعت للخلف : ” علي فكرة كلامه ده غلط ، و اذا اتعملتي بمبدأ أنا حلوة و دخلالك عشان حلوة و مشي الشغل لحلوتي ،مش هايمشي ..و هياخد مزاجه منك الليعلي فكرة صيت بس انه بتاع ستات و يزبلك … لو عايز تشتغلي ادخلي اتكلمي راجل لراجل و اذا اقرب من الاشارة انك ماشي عشان بنت عسولة,اديله فوق دماغه و قوليله لأ  عشان أنا أحق من غيري بالمكان ” 

لم تتبع نصيحتي و لم تعين في الوظيفة 

من يومين قرات علي الفيسبوك موضوع عن أم كلثوم، حيث كتب ناشره عن اكتشافه المذهل ،ان ام كلثوم كانت مثليه ، وان كل الفنانات كان يخضعن لها في السرير تحت سطوتها و سطوة صلاح نصر و رجال الجيش علي حد قوله 

يعني حتي ام كلثوم مستكترين عليها انها تكون نجحت عشان كافحت و وصلت…سومة كانت و لازالت  مثال للصعود من أدني بقاع الارض الي أن تكون كوكب الشرق،لا اعتني هل هي مثلية أم لا ، لكن لم الزج بالجنس وسطوة الجنس في طريقها ؟ 

تذكرت مشهد من فيلم بخيت و عديلة 

احمد راتب :  اقتلها يا صندوق و اغسل شرفك اللي بعته

شيرين : اخرس يا حيوان ..هو أنا لو بعت شرفي ..كنت جبيت ده كله يا متخلف 

زوجة ابيها :  حقه..ماكنتش الواحدة غلبت 

لازال السؤال يدور في ذهني :  هو الستات في بلادنا ما بتنجحش بشرفها ابدا ؟ هل الافلام و المسلسلات تنقل الواقع ام الخيال ؟ 

لماذا في مدينتنا لا يحالف الحظ المكافحات ؟

ليه كل سكرتيرة بتلف و تحوم حوالين مديرها و تخطفه من علي مراته ؟ ليه مش يكون مطلع عينها و مرمطها؟

ليه كل بنت في محل ملابس، لازم تكون  عاهرة ؟ امال البنات في احدي محلات البرندات الشهيرة في المهندسين لما قلت لها اقعدي شوية تريحي رجلك مادام وجعاكي ،اخبرتني ان هذا ضد سياسية المحل و عليها الوقوف طول الشيفت في زبائن او مفيش ؟ 

ليه كل سيدة أعمال لعوب تصل الي النجاح باغراء الرجال ؟ ليه مش يكون الكل بيستحديها لمجرد انها ست ؟

ليه ما بنشوف في الافلام الجملة الشهيرة بتاعت : ” أصل الشغل ده متعب و عايز شغل كتير و انتي بنت ” 

ليه مفيش جملة :  ” أنا مابشغلش بنات ،البنت من دول شهر و تاني و تجوز و تخلف و بيت و عيال ” و احنا قعدين اهو 

ليه مفيش جملة : ” انشفي شوية ..مش كده ” 

ليه مفيش تكسير المقديف بتاع : ” انتم عايزين ايه ما تيسبوا الولاد يشتغلوا ، هما أحق منكم “

و اذا قصرتي في الشغل : ” أمال لما تتجوزي هاتعملي ايه؟ “

أمال صديقاتي دول ايه :

صاحبتي اللي بتعمل ماجستير الصبح و بتدرس بعد الضهر و اصلا من المنوفية و اغتربت من اجل نجاحها

صاحبتي اللي بتشتغل شغل الصبح و سوشيال ميديا بالليل  عشان تحسن وضعها 

أمال التباعة (اللي بحمل ميكروباص)  التي تخفي ملامح انوثتها ورا جاكت سميك و طاقية علي خط حلوان – الجيزة دي ايه ؟

أمال الستات اللي بتحكي ان نفسها تقعد في البيت لولا  ان مرتبها ساند لبيت و مدراس العيال الخاصة اللي صممت عليها عشان ولادها يبقوا أحسن ايه ؟

أمال صديقاتي الاربعة اللي كلهن من أسيوط و كلهن يسعين الي حلم مختلف و الاربعة في اصرار رهيب انها البنت الوحيدة اللي خرجت من أسيوط فين ؟

أترك لكم الاجابات ….

                                                                                               قلم 

                                                                                           فاطمة معز 

 

23أغسطس

انتي جاذبة الاحلام خاصتك

 

 

من نحن !!

وماذا نجذب الينا في هذة الحياة ؟!

بماذا نؤمن !!

ولما نكفر بما يعتقده البعض ان لم يأتي علي اهواءنا !!

هل نحن حقا في هذا الكون نجذب الينا ما وصلنا اليه !!! ولما اذن يحدث العكس ؟!

أكمل القراءة »

22أغسطس

عن الحجاب كمان و كمان

 

 

الموضوع ده كنت بمنع نفسي اتكلم فيه بسبب إن رأيي بيضايق بعض الناس اللي أعرفها -متدينين- بس بسبب المضايقة اللي بتتعرض ليها بعض الصديقات؛ بسبب الحجاب وخلعه وإجباره لهن حبيت أقول وجهة نظري.

أكمل القراءة »

9أغسطس

القوة المزعومة

جميعنا يبحث عن اشياء كثيرة يجوب الحياة في تسارع ليصل …

اريد اريد اريد هذا وذاك !!

كأنما الحياة خلقت لنبحث وما ان نعثر علي غاية فتتجدد غايتنا في امر اخر …

ما هو معني الحياة بالنسبة إلي كلا منا ..

أكمل القراءة »

7أغسطس

أنا مستقلة

ماذا تفكر عندما تعلم ان فتاة ما تعرفها انها مستقلة؟
يتبادر لذهنك بسرعة انها فتاة سهلة ومن الممكن ان تدعوها لبيتك لقضاء سهرة ممتعة ومشاهدة فيلم ما .
يتبادر لذهنك انها فتاة لم تلق القدر الكافى من التربية .
انها فتاة طائشة تذهب للبيت بعد منتصف الليل .
أكمل القراءة »
2أغسطس

وداعا للعنوسة … مرحبا بالسنجله

 

العديد والعديد من المقولات حول العنوسة والزواج تحيط بنا … ونظل في حالة بحث دئوب لنكمل هذا الطريق … الحياة الزوجية السعيدة وعلي النقيض المزيد والمزيد من مقولات العزوبية والبحث عن الملذات الفردية والصداقات المنوعة والحرية الكاملة …

وبين هذا وذاك نجد من مقولات الاصدقاء وعلي مواقع التواصل الاجتماعي العديد من مقولات لا تتزوجي حتي تجدي رجلا يستحقك !! لا تتسرعي حتي تجدي الامان … او المزيد من رفض فكرة العنوسة والاحاطة بفكرة العزوبية .. وان السنجله جنتله 😏

أكمل القراءة »

1أغسطس

أنا عندي انترفيو

بمناسبة الثانوية العامة و الجامعات ..أكيد  في ناس اتخرجت  و بتقدم علي وظائف و عندها انترفيو …

و من هنا نبتدي السؤال ..البس ايه في الانترفيو عشان الانطباع عنك يبقي كويس ؟ أكمل القراءة »

20يوليو

مغامرات المترو

 

آسفه والله مش قصدى اغلط فى حد ولا بعيب فى حد ولا كل الشرور اللى هاتيجى فى دماغكم، ولا انا ملكة جمال استراليا
” بس خدوا بالكم , لان المنظر مش لطيف والله خالص خالص بالمره “
بس ” البانكيك ” يا بناتى الاعزاء خطر جدا جدا على البشره ,
طب واحده تقولى انا مقدرش استغنى عنه ؟!
اقولها يا حبيبتى اقسم بالله , اقسم بالله بشرتك بكل ديفوهاتها حلوه .. انا بعتبرها كده فى فرح , فى البيت , فى الغيط ”
انتى حلوه ” ^_^
_تيجى واحده لونها ابيض وتحط , طب لييييييييه ؟ مهو انتى بيضاء اللون اصلااااااااااااا ! , قالك بوحد لون بشرتى ..
يا روحى انتى بتقفلى المسام اكتر وبتزودى المشكله !! :O
_اما بقى اللى بشرها غامقه شويه … يا حبيبتى فيه حاجه اسمها لون مناسب لبشرتى
لو انتى مش بتاخدى بالك .. وفاكره نفسك احلوتى … فيه 95 مليون نسمه شايفين لون ايدك ولون وشك !
عيب والله … عيب !
بلاش تسرطنى وشك اعاذنا الله واياكم … وانتى فاكره نفسك حلوه “
افتكرى فيلم Cat woman ده كان بيتكلم عن مشكله بجد فى سياق متدارى واللى مشافتهوش تشوفه وهاتفهم قصدى …
خلينا اذكياء
 ” الميك اب معمول عشان ندي رونق لوشنا … مناسب مع ايدينا , مش اكون حاله شاذه وكل الناس ملاحظه “

أكمل القراءة »

© Copyright 2014, All Rights Reserved