10ديسمبر

امبارح كان عمري 30

البنت اللى بتكتب المقال ده فى أواخر العشرينات ، بنت أتعلمت ولسه هتتعلم دروس كتير فى الحياه.
بس اللى اتعلمته فى السنين اللى فاتت مش قليل ومش هين وده سبب النضج اللى حاساه دلوقتي.
ملحوظه : لسه بنغلط برضه ونسئ التصرف والتفكير مهما افتكرنا إننا وصلنا لقمه النضج .. بس النضج اللى بنحسه فى السن ده نضج لايوصف من كتر جماله “

النضج بمثابه معلم ذاتي بيرشدها عند القرب من دوائر الخطر مره أخري

المقال مش مع كل العادات والتقاليد بتاعتنا ولا هو مع المساواة بين الرجل والمرأة لأني مؤمنه أن الرجل غير المرأه نفسيا وجسديا وفكريا…

كلامي هيكون للشباب وخاصه البنات الغلابه اللى أضحك عليهم بشويه معتقدات وتقاليد وعادات نتيجتها كانت ضياع عمر البنت فى الجرى ورا فارس الأحلام.


أهالينا ضحكوا علينا وفهمونا أن أخرنا بيت جوزنا، وأهم شىء لازم تتعلمه هو الطبخ عشان قلب الراجل معدته والكلام ده.
رغم صحه كلامهم أن البنت فى الأخر لازم وضروري أنها تتجوز ، وده شئ مهم جدا لصحتها النفسيه ، لكن بحكم ظروف المجتمع ، فحتي الجواز بقي عمله صعبه . وأنك تلاقي الشريك اللى في خيالك أصعب وأصعب.

اللى أنا عايزه أوصله أن المرأة ( سواء كانت متجوزه أو لا ) لازم يبقي عندها موهبه بتهتم بيها وتطورها

 

ومينفعش البنت الغير متزوجه تفكر تشتغل لمجرد انها تشغل نفسها ، هي كده بضيع عمرها وفى الأخر هتصحي من الكابوس وهتكتشف أن عمرها ضاع ، وكمان ضاع فى حاجه مش بتحبها ولما تفتكر كمان أنها وحيده، ولم تجد شريك حياتها بعد .. هتتعب نفسيا أكتر.ومهما شغلت نفسها بالشغل ، فى لحظات الفراغ ، هتحس بكل الضيق اللى كانت بتحاول تهرب منه .

 

الحياه قصيره بالذات فى زمنا اللى احنا عايشين فيه 

 

الواقع أن مفيش بيت دلوقتي أو عيلة فيها شاب أو بنت صغيره ممكن يكون مات صغير ..

 

“الحياه أقصر مما نتخيل وبتجري بسرعه رهيبه”

مش مستهله أبدا أنك تعمل حاجه مش حاببها أو تعيش مع حد مش طايقه عشان تهرب من مشاكل تانيه .

الست المتزوجه اللى حققت حلم الزواج والأمومه ماتفضلش آسره حياتها ليهم

لحد ماتيجي فى يوم وتزهق وبرضه تنزل تشتغل فى أى مجال وخلاص لمجرد أنها تغير جو أو تشغل وقت فراغها أو حتي عشان تغطي مصاريفها الشخصيه أو لمساعده جوزها ، وتفضل محبوسه فى دايره الملل والروتين بتاع الشغل والبيت.

” الروتين شئ قااااتل “

صحيح أولادك محتاجين رعايتك بس لمرحله معينه ، بعد كده لازم يتسابوا للحياه عشان تكمل بقيه تربيتهم بعد ما تكون أسستهم صح.

291 Total Views 1 Views Today
شارك التدوينة !

عن Eve

© Copyright 2014, All Rights Reserved