3أبريل

و أنا 17

 

   مازلنا فى مجتمعاتنا بنفرض وصاية ابوية بداية من السلطة السياسية و انتهاء بالسلطة الابوية في البيت. ليه الناس مش تعيش فى سلام من غير ما يتحكم عليها من ناس تانية شايفين نفسهم الحكم في الأرض؟

 وعيت عالدنيا وانا بسمع من ناس معرفهاش رأيها فيا من 4 سنين اتسالت سؤال : تقولى ايه للناس اللى بتقول مينفعش بنت (محجبة) تغنى راب؟ وكان ردى بسيط طالع من بنت عندها 17 سنة .. الناس هتسمعنى بودانهم وانا هغنى ببوئى..

 

يااااه قد ايه الجملة دى اختصرت كلام كتير عن الحكم بالشكل.

 

لما كنت محجبة كنت عايشة بعمل الحاجات اللى تريحنى بكتب و بغنى راب عن مشاكلى و مشاكل الستات و البنات اللى فى دوايرى و بعرف الناس اللى بحبهم و كنت بتعامل مع نفسي على انى بنى ادم عادى يعنى ! مكنتش شايفة ان فيا مشكلة بس طلعت عاملة مشاكل لناس تانية .. اتقال كذا حاجة هنسردهم فى سطور

 

 -انى فاجرة ومش لاقية حد يلمنى..

 

يعنى ايه تطلعى عالمسرح و تقولى ان حصلك تحرش وان من حقك تمشى فالشارع

 

 -ازاى تحرضى بقيت البنات انهم يقولوا انهم حصلهم تحرش عادى كده

 

 -ازاى تشجعى البنات انها تتكلم و يعرفوا قيمة نفسهم وانهم يقدروا يكملوا وسط النزاعات

 

 -تحريض المسلمات على الفجر والرزيلة

 

 -تشويه صورة الاسلام

 

 -كافرة

 

 -تصدير صورة وحشة كخة للغرب عن طباع شبابنا المصرى العظيم اللطيف الظريف

 

 ودى كانت شوية من الحاجات اللى اتوجهتلى و انا 17 سنة عشان انا بنت…..

                                                                                                قلم 

                                                                                             ميام محمود 

1314 Total Views 1 Views Today
شارك التدوينة !

عن Eve

© Copyright 2014, All Rights Reserved