19أبريل

تلاتينيه و افتخر

عارفين مرحلة التلاتينات من العمر دي مرحلة عظيمة 

حد يقولي اشمعني يعني التلاتينات مش العشرينات مثلا ؟

#الحقيقة مرحلة التلاتينات دي هي #المرحلة_البرنسية مرحلة انا فاااهم كل حاجة بس مطنش 

#في التلاتينات هتلاقي نفسك بقيت حد هادي في نفسه كده بتراقب أكتر ما بتتكلم 

مجموعة الصحاب الكبيرة بتصفي علي كام حد من الناس اللي تستاهل فعلا يكونوا صحابك.

#بتتحول اهتمامتك من انك بتفكر في صاحبك اللي باعك ل يا تري اتعشي ايه شاورما و لا كبده اسكندراني؟ 

#انها مرحلة التتنيح يا سادة 

و احنا كستات بنبتدي نهتم بقي بتفاصيل حياتنا اكتر يعني ممكن نفضل يوم كامل نسيرش عن طريقة القضاء علي الهالات السوداء 

و في نفس الوقت بنقرا روايه هيبتا ،بنبتدي نروح الجيم بس بردو بنضرب كل اللي نفسنا فيه حاجة كده يعني لوووز

و بنبقي مشتركين في ميت جروب من طبخ لجمال لمذاكرة و كله شغال زي الفل 

سيطرة سيطرة يعني 

و بالنسبة بقي للعلاقة بشريكك في الحياه بتكون وصلت لمرحلة من التفاهم او  لا  مبالاة فا اشطة يعني شغال 

#امال العيال فبتكوني عديتي مرحلة الكشط و تغيير البامبرز و دخلتي مرجلة التدريبات و المذاكة و الخروجات و السفر و الرغي مع الماميز 

#التلاتينات هي السن 

$اللي بتبتدي تفلتر فيه علاقاتك

$بتحاول تلحق تعيش 

$السن اللي بتستقوي فيه بنفسك مش بغيرك 

$السن اللي بتفهم فه بعد صدماتكتير  ان نفسك هي حصنك 

$مرحلة  النضوج و الفهم و اللرؤية الاوضح للحياة 

#تلاتينية _وافتخر 

                                                                               قلم 

                                                                                إيناس أحمد

920 Total Views 1 Views Today
شارك التدوينة !

عن Eve

© Copyright 2014, All Rights Reserved