21فبراير

برة الكون – الحلقةالاولى

هذه القصة ليس لها أصل و لا تمت للواقع بشئ ، هى كاملة من خيالى المريض

….

مريم : ايه يا بنتى بقالك كتير ما شوفنكيش؟

ندى : والله مفيش كل الموضوع ان مكتئبة شوية على متوقيقعة

مريم : الناس كلها بتسأل عليكى ، بطلى تقوقع بقى ، يلاا عايزين نخرج

ندى : معلش يا مريم مش قادرة المرة دى

مريم : ماتحاوليش هاعدى عليكى النهاردة على ٥ و يا ستى هارجعك قبل ٩ ،لا تقلقى فى بينوس المعادى

مجموعة : يااااا ندى عاش من شافك ، إنتى فين يا بنتى

ندى : أهو عايشة..

مريم: ندى ده هشام ، مأشوفتهوش قبل كده ، ده صاحب محمد ، مصور ، أصل ندى بتحب الفن و عندها طموحات فنية

ندى بتبتسم و تميل رأسها كنوع من التحية ، أما هشام لا يتحدث و يبادلها نفس التحية

ندى : امال فين المانيو عشان اطلب ، متر لو سمحت منيو ماليش مع حد فيكم شاحن لأحسن موبايلى هايفصل و خائفة يتصلوا بيا يقلقوا

هشام : أنا معإيا شاحن فى العربية ، ثوانى أجيبه

ندى : لو بعيد مش ضرورى

هشام : لا خالص…

يأتى هشام بالشاحن

ندى : فين إلفيشة بقى ، أووف دئ بعيدة ، فى محاولة من ندى لتقريب من إلفيشة البعيدة

هشام : طيب أنا عندى فكرة

ندى : طيب قول ،

و تستمر ندى فى محاولة تركيب الموبايل بالفيشة

هشام : إنتى مش ملاحظة انك بتقولى قول الفكرة و مع ذلك بتنفذى إللى فى دماغك ، مش تسمعينى قبل ما تنفذى

ندى تلف فى أنبهار : أنا أسفة طيب قول

هشام : هاتى أدخله مع حد من الاصطف مش هيأخذ ١٠ دقائق، ده شاحن سريع

ندى : إوكى

تستمر حديثهم فى كلام مابين عادى و سياسة و أدب وفن

فى المساء تفاجاء ندى بطلب اضافة من هشام

 ندى : يا أهلا يا هشام

هشام : هاى ندى ، إزيك

ندى : تمام الحمدلله و يدور بينهم كلام مابين عادى و سلامات و تحيات

هشام : إوعى تكونئ زعلتى منى لما قلت لك إنتى بتعملى نفسك سامعة

ندى : لا مازعلتش بس اتفاجاءت ان فعلا بعمل كده ، على فكرة أنا مش بزعل من النقد

هشام : يعني ماتزعليش حد قالك حاجة بصراحة فيكى

ندى : لا خالص

هشام : ندى ، هو ليه بحس انك تأيهه و إللى جواكى كتير

ندى و هى من جواها احساس أهلا بالأشتغالات : لا عادى ..ليه بتقول كده

هشام : أنا عارف انك فاكرنى بشتغلك ، بس ده مش صح

ندى تفاجئ بكلامه

هشام : بصى أنا شايف ورا البنت الهادية دى بنت مجنونة نفسها تطلع ، بتطل من عينك من وقت للتانى ، من ضحكتك ، من عينيكى لما بتقفليها كده و إنتى بتضحكى ، إذا كنتى عايزة اساعدك اطلعها ، هاطلعها و ماتسالنيش بعمل كده ليه

ندى تصمت ولا تجيب ، أزاى حس باللى جواه بسرعة كده بعد يومين ..تلاتة ..

ترد ندى  : أنا فعلا نفسى حد يساعدنى اطلعها بس أزاى ؟

هشام : أحنا محتاجين يومين اتنين ، قولى تلاتة ، وبما إنى عارف ان ده صعب عليكى انك تقضيه برة البيت ، بس هاقولك اتحججيلهم بئ إى حاجة شغل ، سفرية ، يومين ..تلاتة تسمعى كلامى فيهم ، وأنا هاطلع ندى هتتفاجئئ بها

ندى : مممممممم .. مش عارفة ..

هشام : مش عارفة ايه ؟؟

ندى: مش عارفة هاقدر ولا ايه

هشام : هاتقدرى لو إنتى مقتنعة و واثقة فيا كفاية ، أنا عارفة ان مفيش سابق معرفة بينا يخليكى تثقئ فيا ، و مش هاقدر أديكى ضمان ان حد كويس و مش هاشربك حاجة أصفرا..

ندى : ههههههههههه لا مش خائفة .. بس هى الفكرة صعب ، البيت عندى صعب شوية بس هاتصرف

و يمر يومين

ندى : أنا قلت لهم فى البيت ان عندى شغل فى موقع و لازم اطلع بنفسئ و انه فى البحر الأحمر

هشام : كويس ، ضيفيه عليها بقى، ان مفيش شبكات لأن أول حاجة هنعملها نخلص من إى تأثير خارجى

استنوا الباقى بقى الجمعةالجاية لو ليا عمر

1524 Total Views 1 Views Today
شارك التدوينة !

عن Eve

© Copyright 2014, All Rights Reserved