بالنسبة لى ٢٠١٣ على المستوى الشخصى أو حتى فى احساسى بأحوال البلد هو مسلسل دراما تركى طويل،يدوبك هو حدث و لا اتنين مهمين و الباقى
حشو مالهوش لازمة ،و تكرار و ملل ، كان ممكن يتلم فى ١٥ حلقة،فا توصل لمرحلة ان فقدت الاحساس بالشغف فى الحياة ومفيش حاجة بتديك احساس ، فا تقول ممكن طيب أنام و تصحونى على أحداث مهمة فى حياتى
بنلف فى دواير
ماعرفش ليه دوائر علاقتنا بقيت ضايقة أوى ، إللى هو تتعرف على حد مفروض جديد تلاقيه يعرف على الأقل ٦ من أصحابك.. بقينا بندور فى دوائر
من العلاقات هى هى و كأنك بتلف فى ٣٦٠ درجة ، ده إللى خلانى أفتكر مسلسل الجرئ و الجميلات ،لما كنت بقول هى بروك دى مالهاش معارف تإنية
غير عيلة ريدج ؟ عشان مرة تحب ريدج و مرة تحب ثورن اخو ريدج و مرة تحب أبو ريدج
الدنيا زى المرجيحة السنة دى كانت مليانة صعود و نزول و مايوقع إلا الشاطر ، لكن ساعات بتوقع وقعة تحس انك ضهرك أتقطم ..، تفضل تسأل نفسك
ليه ؟؟ و ماتلاقيش اجابة ..وتقفل على نفسك و تقفل موبايلك و بروفايلك و شوية شوية تقفل زرار حياتك لو أحنا زى الاجهزة عندنا زرار
shutdown
.فى الاخر تقوم و عملا بكل كتب التنمية البشرية إللى بتقراها لازم تقابل صدماتك برضا ..، تفتكر فؤاد المهندس فى دور أبو الفضل ،لا يا أبو الفضل
عايزك تبتسم ، إكتر .. إكتر .. إكتر، keep smiling
هو هيعرف
عارف ايه أصعب حاجة فى الدنيا ؟ انك تقول لحد ، على فكرة أنا بحب إللى يحبنى يعمل كذه و كذه ..ده بيسعدنى اوى ،فا يقوم عاملها ، فا تحس انها
مسخة .. الحقيقة أحنا بنبقئ مشتاقين ان إللى ادمنا لوحده يفهم ايه بيسعدك ، و يحاول يوصله …ساعات كتير بقول هو كتير يعنى ان هو لوحده يعرف
يعمل إللى يسعدنى ؟ و لما تضيق عليا أقول إكيد هو
(my lobster)..هو هيعرف لوحده إذا يأسرنى ملحوظة : هو للمجهول إللى هايبقى عليه العين و النينى
تركى – عربى و لا اجنبى ؟
قالت لى صديقتئ : المسلسلات التركئ بوظت عقول إلستات قلت لها : و أحنا إللى بوظ عقولنا الأفلام الأجنبئ ، كنا بنشوف البطلة يزعل من البطل
يجيب أصحابه و يعنيلها تحت شباك ، يعمل خطط وحيل عشان يتعرف عليها ،تصدقى أنا نفسى حد يعمل كددده.. إعمل بس يا عم و الفضيحة عليا ، أنا
عايزة أبقى فرجة ، بنشوف الراجل بيسافر من مكان لمكان عشان وعد ،البنت مهزوزة ومش واثقة فى حبه لها ،يعملك اللى يثبت حبك،يستحمل قرفك
وجنانك.. فى الوقت إللى رجالة فى مصر مرهقين و مستنفذين ذهنيا و نفسيا ..لسه
هايفكر بقى يبهرك أزاى، ها انتى ايه بوظ دماغك ؟؟؟
رسالة الى 2014
٢٠١٤ .. الأيام علمتنى ان كل سنة فاتت كانت احلى ، ٢٠١٣ علمتنى حاجات ..بس أحب أقولك بلاش مفاجاءات سخيفة ، و يا دنيا
814 Total Views 2 Views Today
