7أبريل

البعض يفضلونها حنينة

دايما الادباء والمفكرين وحتى الافلام بيسأل المرأة عايزة ايه ؟؟ لكن ماعرفش ليه دايما شغلنى هو الراجل عايز ايه و تحديد من المرأة…

 

مش احيانا تشوفى راجل حواليه جميلات لكن فى الاخر ماتلاقيهوش مرتبط  بى اى واحدة منهن ؟

 

لا و ممكن يفرسك أكثر انه يأخذ واحدة أبعد ما تكون عن الجمال ساعتها ،اقصد جمال الشكل،ساعتها  تستغرب أكثر بقى هى دى بقى !

 

و من كتر السؤال ما كان محيرنى ، كنت بساله لكل اصدقائى من الجنس الخشن ،ايون بقى ارتبط بى دى ليه ؟


لحد ما تقريبا لاقيت الاجابة

عارفين بيدور على انه يأخذ ايه ؟

 

الحنية

 

بس خلاص

 

عارفين حنية الأم دى بقى؟

 

اللى هو لما يتأخر ماتنامش الا لما تطمئن عليه

 

لما يضايق هى تاخده فى حضنه

 

مش عارفة اقولوا ازاى بس هو ده

 

هو مش عايز منك تاخدى بالك من شغله و لا تناقشيه فيه و لا يقعد مع حكيمة الزمان

 

هو عايز حضن شبه حضن مامته

 

عايز الحتة الدلع شبه اللى ماما بدلعه

 

عشان كده ماتستغربيش انه فى عزشغله فجاءة يكلمك ،بالظبط زى لما تلاقى طفل صغير فى عز لعبه يسيب اللعب و يجرى يحضن مامته

 

ماتستغربيش لو فى عز الليل رن عليكى وتلاقي مش عايز يقول حاجة ، فعلا مش عايز حاجة،هو عايز بس يطمئن انه وقت مايحتاج حنية هيلاقى زى ما طفل يقوم من عز النوم و اول مايلاقى مماته جنبه يروح نايم تانى

 

فى حاجات صغيرة جدا مهمة للرجال أهم لكثير من اى حاجة ثانية تعمليها ؟

 

لو هو برة البيت ،ماتناميش الا ما تطمنى عليه انه فى البيت،و ساعات هتلاقى مش هايقفل معاكى الا لما يكون ها ينام

 

لما تصحى أول حاجة تعملها تطمنى عليه زى لما ماما بتطمن على ابنها

 

ماتتكلميش معها فى شغل وقت مش عايزيتكلم

 

ماتغصبيش عليه يقول حاجة أو يعمل حاجة هو مش حساس ان ده وقته ،الأطفال عنيدين

 

افرحى اوى من قلبك لما ينجح فى حاجة او يحقق حاجة


بس الموضوع مش سهل ،عايز حتة ذكاء انك تبقى حنينة  من غير ماتحسيسيه انه ضعيف

 

الراجل فى اغلب الوقت مش عايز منك غير الحنية ،ماعرفش ده فين من اللى فعلا الرجالة عايزة..بس انا شايفة ان فى اغلب الوقت بيبقى عايز حضنك و حنية ماما ،اللى يمكن كبر عليها او مابقتش كفاية ..انا لسه مش عارفة هو كده صح اوى و لا ايه ؟؟

[soundcloud id=’57684433′]

1513 Total Views 1 Views Today
شارك التدوينة !

عن Eve

© Copyright 2014, All Rights Reserved