15مايو

عزيزى الرجل أفهم

كنا بنتكلم عن قصة نون،و جينا للجزء اللى ادهم ساب فيه بطلة القصة سارة،و لاقيت صديقتى بتسالنى هو سابها ليه؟؟مافهمتش الحتة دى .. فاكرة فى نون لما جئت فى الاخر سارة و سابها أدهم و لاقيته خارج مع واحدة و ماعرفتش هو سايبها ليه ؟ وبعدين لما شافتها عرفت ، لأنها ضعيفة أوى و بتسمع كلامه فى كل خطوة ، لكن سارة كانت بتحسسه دائما انها قوية ومش محتاجة ، هى دى نفس الفكرة

لاقيت صديقتى سالتنى

هو ليه صحيح الراجل بيخاف من البنت اللى شخصيتها قوية ؟؟

لاقيتنى بقولها

هو مش بيبقى خايف ..هو مش بيبقى مستعد يدفع فاتورتها

هو مش مستعد يدفع فاتورتها..قالت لى نعم ؟؟فاتورة ايه ؟؟

قلت لها مشكلة البنت اللى بتبقى واضحة امام الناس ان عندها شخصية قوية و عندها طموح وذكية،انها من غير ماتقصد بتخوف الراجل منها.. لو انتى كمان حلوة وجميلة وشقية و حاسة بى ده ، ده هايزود خوفه ، مش يخاف منك ،بس يخاف من الرجالة الواطية، بس بتبقى عينه فى وسط رأسه.

دلوقتى الجواز بقى قرار مكلف جدا جدا،فا بقى الراجل بيفكر الف مرة قبل ما يقرر يتجوز ..

اغلب الرجالة اللى قابلتهم فى حياتى ، لما يجى يختار ،يختار زى الكتاب ما بيقول، اختار البنت المحجبة لانها دليل على الالتزام،لو هو من الناس اللى بتقيس الالتزام بالشكل ، إللى بتسمع الكلام ظاهريا ، إللى من عيلة كويسة ، الحياة بييس بقى ، ماعندهاش لا طموح و لا أهداف قوية اوى تتعارض مع افكاره ، مش بس كده تبقى هشة جدا ، جدا .. ، و هشة مش معنها وحشة ،انما يعنى مثلا لو قالها ، غيرى شكلك والبسى كذا مش هتناقشه و هاتروح تعمله ، لكن أنتى بقى هاتفتحى له محضر ، ليه ؟ و ده حلو وجميل ، و بعدين أنا بحب البس حاجة واسعة او ضيقة، مفرحة او غامقة ، هايفرض ده ، مع ان ده مش صح ، او مش بتبقى عشان تفرض نفسها،اكتر من انها اتعودت انها تفهم هى بتعمل ايه. بس ده الانطباع إللى متاخد عن البنت إللى عندها شخصية يمكن جزء من الموضوع ده زرعه المجتمع ككل.

رجالة كتير مايقدروش يدفعوا فاتورة بنت شخصيتها قوية، هايبقى محتاج شخصيته تبقى أقوى من شخصيتك بكتير ، محتاج يواجه مجمتع عايز البنت محجبة  او مش محجبة حسب بئيته بقى، محتاج يقابل مجتمع مش عايز بنت عندها شخصية،فا يقولوا عليع شخشيخة فى ايد مراته ،هايبقى بيحارب فى فى كذا جهة وكذا مكان،غير حرب لقمة العيش بقى

هو يحلم ويتمنى و يسهر الليالى يفكر فيكى و يحبك من جواه بس مايقدرش على تمنك ، لكن لما يتجوز ، يتجوز اللى يقدر على تمنها ، و يبتدى يندم و يحسس بغلطته لما يلاقى مع الوقت حياته مالهاش طعم ولا لون ولا حياة .. و يتحول لنسخة تانية من الرجالة اللى حياتهم الشخصية حاجة وحياتهم الزوجية حاجة تانية،لما يكون عنده مشكلة يروح ياخد راى صديقته اللى عندها دماغ،لما يكون عايز يخرج ،يخرج معها،لانه طول ماهو قاعد معها قاعد مع روح متجددة ،بتخالفه وتعرضه و تقول وتعمل،مش على طول فى صفه كده،مش بس كده،ده السبب التانى الاقوى انه بيفهم الحقيقية ،بيفهم ان ده قناع من تصنع الطاعة اللى كانت لابسه عشان الزبون يوقع،اتمسكن لحد ما اتمكنت يعنى .. فهمتى

فى الأول هايبقى سعيد جدا معها ، عارفة فيلم بلبل حيران ، لما شاف عكس البنت إللى عندها شخصية بقى مبسوط اد ايه ؟ هو كده بالظبط، مع ان و ده تخمينى انها تتمسكن لحد ما تتمكن،فى بنات كتير اوى بتلبس قناع الطاعة العمياء لحد ما تتجوز ،وانا مش بى الوم عليها،اكتر ما الوم على المجتمع اللى فرض علينا الدايرة دى..

و لاقيت صاحبتى بتسألنى

تفتكرى مين اللى غلط ؟؟

قلت لها

مفيش غلط وصح..

فيه انك مش تضحك على نفسك..شيل اللى تقدر تدفع تمنه،بس ماتجيش بعد كده تعيط

لو هو مختار حاجة بدماغه مش هايندم،لكن لومختار عشان يريح دماغه يبقى هايجى يوم و يندم…..

اكبر غلطة يرتكبها راجل فى حق نفسه لما يقول هاتجوز اللى تريحنى

الجواز هو الحاجة الوحيدة اللى مالهاش قواعد

صحيح البنت اللى عندها شخصية ظاهريا بتخوف،لانها واضحة فى ارائها ومتمسكة بها و عنيدة،لكن بيبقى لها مميزات،انها بتعتمد على نفسها وتقدر تعتمد عليها فى كل حاجة،ولان الدنيا بتبقى خبطتها كويس اوى،فا بيبقى عندها مناعة قوية

البنت الغلبانة المستكينة،ميزتها انك اغلب الوقت ،هاتريح دماغك،ومش هتجادل معها ،وهاتفضى للقمة العيش،بس عيبها انك ساعتها هاتبقى انت شايل المسئولية كامل،ماتزعلش لما يكون صوتها من صوت مامتها مثلا، او بتردد اللى المجتمع بيقوله او افكار المجتمع لانها ماتعودتش يبقى لها رأى منفصل.

عزيزى الراجل افهم..مفيش انصاف حلول

774 Total Views 1 Views Today
شارك التدوينة !

عن Eve

3 تعليقات

  1. الفكرة اللي واخداها أمي عني أني دماغي هتوديني في داهية وأني مش هلاقي اللي يستحملني وأن الرجالة مش بيحبوا المقاوحة الكتير وإلا سريعاً سريعاً سأحمل لقب “مطلقة” أو علي أقل تقدير هتعب أوي. أما الفكرة بقي اللي أصحابي أخدنها عني أني عنيدة جداً والعند أغلب الوقت بيودي في داهية برضه ودايماً نهايته سد ، بس الغريب بقي أني كنت بسمع كلامهم من هنا وبخرجه من هنا ، لأني نوعاً كنت مقتنعة أن فيه فعلاً رجالة وشباب مختلفين شوية عمن سواهم وعندهم لا مؤاخذة “مخ” ، وأن رأيهم في البنت لا ينحصر في أنها “بنت ناس وهتبقي أم كويسة لعيالي! ” ..
    المقالة جميلة ومعبرة أوي علي فكرة ، جميل أني أعرف أني مش غريبة الأطوار ولست وحدي علي هذا الكوكب.. 😀

    • ماتقلقيش ..الكواكب مليان متحولين كتير زيك،وانا بكتب عشان اكتشفهم هما فين ونتواصل ببعض

  2. الفكرة اللي واخداها أمي عني أني دماغي هتوديني في داهية وأني مش هلاقي اللي يستحملني وأن الرجالة مش بيحبوا المقاوحة الكتير وإلا سريعاً سريعاً سأحمل لقب “مطلقة” أو علي أقل تقدير هتعب أوي. أما الفكرة بقي اللي أصحابي أخدنها عني أني عنيدة جداً والعند أغلب الوقت بيودي في داهية برضه ودايماً نهايته سد ، بس الغريب بقي أني كنت بسمع كلامهم من هنا وبخرجه من هنا ، لأني نوعاً كنت مقتنعة أن فيه فعلاً رجالة وشباب مختلفين شوية عمن سواهم وعندهم لا مؤاخذة “مخ” ، وأن رأيهم في البنت أنها “بنت ناس وهتبقي أم كويسة لعيالي! ” ..
    المقالة جميلة ومعبرة أوي علي فكرة

© Copyright 2014, All Rights Reserved