18أبريل

حب فيه كل المعانى

كنت بسمع اغنية انغام..”نفسى احبك”..و لما وصلت لكوبليه “علشان يوم ما تفكر

تبعد…أو تنسانى ماتلاقيش اللى انت لاقيته ترجع تانى “ساعتها لاقيتنى بقول كلامه

صح  〠 

صح ..صح اوى ..بس مش بس فى الحب لكن فى العلاقات الانسانية عموما…..

مع اصحابنا ،مع زمايلنا فى الشغل…. مع اى حد تقابله و تتعامل مع …

…..لازم تسيب علامة فى قلبه يفتكرك بها لما الدنيا تلعب لعبتها الطبيعية وتبعد

الناس عن بعضها

لما تعرف ناس،حاول دايما تسيب فى قلوبهم حتة حلوة منك..لان سنة الحياة

وطبيعتها ان..الفراق مكتوب علينا…سواء فراق بالقصد..او فراق ان الدنيا بتاخد

البنى ادم

اصل هى دى طبيعية الحياة اللى لازم نسلم بها ،ان احنا بنعرف بعد اد ما بنعرف

ونعيش ونتعايش و يبقى بينا ذكريات لازم فى يوم الدنيا هاتبعدنا و لو نسبيا

 

 أصلك لو أمنت ان النهاية جت خلاص،مش ها تهتم بانك تفضل،اكتر ما تهتم تسيب

ذكرى حلوة مستحيل تنساها بغيرها  ،فى حياة اللى تعرفهم عشان يفتكروك بها

    

خللى دايما عينك كاميرا فوتوغرافيا بتسجل كل لحظة حلوة بتعدى عليك مع اللى

بتحبهم عشان لما الحياة تبعدكم تفتكرها فى لحظات الضيق

خللى دايما انك تحاول تسعد اللى حواليك اكتر من انك هتاخد منهم سعادة اد ايه؟

مش مهم انت مكانك  فى حياتهم هايبقى فين وليه ؟؟مش مشكله انهم ممكن يجوا يوم

ويبعدوا ويبقى علاقتك بهم رسالة من موبايل او عابر سبيل ..مش مشكلة انهم

هايجوا وقت ويبعدوا …او انك مش هاتبقى فى مكان ظاهر فى صورة حياتهم ..مش

مهم هاتشوفهم قليل ولا كتير …الاهم من ده كله الا لما طيفك هايجى على بالهم

..هاتيجى مع

ابتسامة على وشوشهم

اسال نفسك لما تبقى فى حياتهم ذكرى،تحب يفتكروك بى ايه ؟؟

أنا عن نفسى أتمنى أكون فى حياة كل اللى حواليا سايبة نقطة حلوة فى قلبهم و أعمل

علامة وتأثير جميل..فى نفوسهم عشان لما يبعدوا او يفكروا ينسونى و تمر الايام

والسنين …

يرجعوا فى لحظة ويفتكرونى

1773 Total Views 2 Views Today
شارك التدوينة !

عن Eve

تعليق واحد

  1. تعقيبات: nike 6.0 femme

© Copyright 2014, All Rights Reserved