3يناير

تفاحة نيوتن؟؟؟

 


 

                         طبعا كلكم عارفين موضوع تفاحة نيوتن،أن أصلا نيوتن أكتشف الجاذبية لما وقعت عليه تفاحة وسأل نفسه هو ليه التفاحة وقعت والقمر لأ؟

لو  عارفها يبقى أكيد عارف التريقة اللى بنقولها على موضوع ان ياترى كام واحد وقعت نفس التفاحة على راسه و أكلها 🙂

كنت ماشية من كام يوم وسألت نفسى سؤال هى مش الجاذبية أصلا كانت فكرة ،ونيوتن جرى وراها و أتمسك بها و سأل نفسه اسئلة لحد ماوصل لنظريته؟؟؟سأ لت نفسى كام فكرة عديت عليا وأنا بقى ياريتنى أكلتها زى اللى وقع على راسه تفاحة فا أكلها.لا أنا مسكتها و بصيت لها ورميتها وكملت طريقى وأنا بدعى ربنا يفتحها عليا بحاجة عبقرية 🙂

فلاش باك عشان تفهمونى ..

كنت مع واحدة صاحبتى بناخد حاجة عن تحفيز الذات ..وطلع  صاحب موقع

daren’deal

 واللى مايعرفش ده ايه؟؟فهوموقع للتخفيضات ..وقعد يتكلم عن الفكرة بتاعته و لاقتنى بقول لصاحبتى أنا الفكرة دى جاءت فى دماغى بس المشكلة ان عرضتها على واحد  صاحب  موقع ،قعد يكسر فى مقدافى ويقولى وليه ممكن محلات تعمل كده وازاى تيجيبى المعلومات ..وقرفنى و زهقنى..وأنا سكت  🙁 ..وكانت كل ما يطلع  واحد بفكرة اقول فكرتى ..فكرتى .و ربنا انا فكرت فيها قبل كده

النهاردة وانا ماشية لاقيتنى بفكر فى الموضوع ده تانى ..انا ليه الفكرة بتبقى عندى وجميلة ..وبشوفها بتتحقق وأنا مش بعرف..قلت عشان مش بلاقى اللى يساعدنى على تحقيقها.يا أما قابل حد محبط أوى..يحسسنى ببلاهة …أو حد مش مهتم..فا يأس…و سالت نفسى ياترى نيوتن حكى كام واحد على فكرة الجاذبية وقاله عليها ؟؟وايه اللى حصل؟؟لاقيتنى بقول العيب مش فى اللى حواليا..العيب فى انى أنا بيأس بسرعة ..زى اللى بياكل حتة من التفاحة وبعدين يزهق ويسيبها .

 خلاصة التجربة..نهايات الافكار ..أو خلينى أقول ان الشجرة مابطلتش توقع تفاح..لكن السؤال ياترى انت بتأكلها ولا بتقعد تفكر فيها ؟؟؟؟؟و لا اصلا اصلا ..بتعمل زى تمسكها وبعدين ترمييها..وتدعى ربنا اوعدنى بفكرة عبقرية شديدة ؟؟ 

 

 

 

3245 Total Views 1 Views Today
شارك التدوينة !

عن Eve

© Copyright 2014, All Rights Reserved