16يونيو

بعض الحب


 

بعض الحب

فى ناس ماتقدرش تحبهم ، رغم انك حاسس بصدق حبهم بس مش قادر تحس بهم لدرجة انك ممكن تحس ان أكبر عقاب من ربنا انك تبقى فى نفس موقفهم ، وان كل عقبات الحب عشان ظلمتهم

و فى ناس بتحبهم و يحبوك،بس فكرة مصارحتهم بحبك عاملة زى إللى هايركب سباق سيارات ، و هو غشيم يمكن يصدفه الحظ و يطلع الأول و ممكن يلبس فى أول حيط

و فى ناس بتحبهم مهما عملوا فيك، و مهما كسروا فيك ، وحتى لو أعلنت أدامه و إدام الكل انك لاقيت ترياق الشفا من حبهم،لكن الحقيقة ان طيفهم مش بيسيبك وهو أول طيف مر عليك و انت بتقرأ الكلام ده

 

 

لم يعد شيئا يؤلم 

ساعات فى ناس تدوس على جزء معين عشان تألمك ، إللى ممكن يكونوا مش عارفينه انه الجزء ده فقد الاحساس ، يعنى زى الجلدة الزيادة الميتة فى صباع رجلك . لو جيبت موس و كحتها مش هاتحس بى ألم .. فا تبتسم ابتسامة  صافية لأنك فاقد الاحساس بالالم مهما عذبوك

الحب المحمول

لما بفكر فى المحمول(الموبايل)  اللى دخل فى حياتنا من عشر سسنين بس،ولما دخل فى حياتنا ،كنا بنتريق عليه و رفضينه..دلوقتى بقى اد ايه شئ اساسى فى حياتنا ،لو تخيلنا المحمول كائن حى ،دخل فى حياتنا ازاى و ازاى دلوقتى بقى شئ اساسى..ليه قدر فى وقت قصير يحتل مكان كبير فى حياتنا و بقى صديق صدوق وحبيب  خفى،ازاى قدر يخلينا نحبه و خلينا نستغنى عن حاجات تانية كانت اساسية ،مابقتش تقدر تستغنى عنه يوم واحد و ان حصل بالغلط وبعدت عنه تحس ان فى شئ كبير مفتقده وحياتك اتخلبطت.تحس انك انفصلت عن الدنيا لانه قدر يخليك نقطة اتصال بالدنيا،عمره ماطلب منك شئ غير شوية اهتمام،ولما ماتهتمش مش بيعمل حاجة غير بكل صمت يعلن انسحابه من حياتك .قدر يحسسك انه جزء منك،الاغانى ،رنته ،كل شئ جوه هو جزء منك و بيعكسك و بيبقى مرايتك،بيتطور مع الزمن عشان تفضل فى حياته ومايتستغناش عنه،..خد بالك كده

  “جزء منك،مرايتك،عطاء بلا مقابل،وصله بالناس،خصام فى هدوء، كم اتمنى ان تكون حب محمول”

 

 عن رحيل الحبيب

سالنى هل حين تتحدثين عن حبيب سابق؟؟هل ستكونين حيادية ؟ام ستجعلينهم يكرهونه؟؟لا هذا ليس من شيم المحبين..كيف لى ان اهين رجلا كنت اتمنه شريكا فى الحياة ورفيق طريق و اب لوالدى…اهدئ يا عزيزى ولا تقلق…لن اهينك يوما..التجريح فى الرجل الذى  كنت احبه يوما،و أراه تؤام روح .. تجريح فى..و لانها تعنى ايضا انى امراة ليس تمتلك من القدرة على الحكم على الرجال. لن افعل شيئا سوى ان اتمنى لك خيرا.وحين يسألونى عنك..ساقول احبنى صدقا واحبيبته صدقا و لكن تلك هى الحياة،لا نعلم مصيرنا الى اين ينتهى

 

أكتر الناس ادعاء للسعادة ، هما أكثر الناس احساس بالالم من جوه

 

سألت نفسى كتير ايه هو الحب ؟؟ انك تسندنى .. تستحملنى

 

اتسأل ماذا فعل ادم لحواء ليجعل قلبها ينبض بحبه حين رائها أول مرة ؟

2594 Total Views 1 Views Today
شارك التدوينة !

عن Eve

© Copyright 2014, All Rights Reserved