7أكتوبر

فى الاساطير قالو

 

 

    فى الاساطير قالوا…….

    ان ادم وحواء كانو مخلوق واحد و اتقسموا واتفرقوا لان فى اكتمالهم بيبقوا أقدر على

    مواجهة المتاعب والمشقات وأتقاء سهام الغادرين..ويفضلوا طول عمرهم بيدوروا على بعض

   فى الاديان قالوا ان حواء من ضلع ادم وان اذا ضلع ادم اكتمل ..استوى ضهره وارتاح ..

 

 

 

 

الكلام ده  فكرنى بالناس اللى بقيت بتفكر فى العلاقة بين الراجل والست على انها حرب اهليه..لازم من منتصر فيها

ادبح لها القطة

وجوزك على ماتعوديه

وافتكر لما الرسول الكريم قال رفقا بالقوارير..وسالت نفسى اشمعنى يعنى القارورة..والقارورة هى الازاز الخفيف اللى كانوا بيستخدموا فى الاضاءة ..حاجة شبه الكريستال النضيف..اللىى بيبقى عايز معاملة خاصة ..لو مسكت جامد ينكسر ولو مسكت باستهتار برضه يتكسر

خدت بالى اد يه احنا اتربينا على اننا بدل مانكمل بعض..بنخالف بعض ..وبنعاند بعض..وبنكابر بعض

يا ادم انا منك..ازاى تمسك ضلعك تكسره؟؟؟متخيل الموقف ده؟؟اكسر ضلعك وشوف الالم اللى هتحس به؟؟؟ومتخيل لو قوته..هتحس به؟؟؟

احمى ضلعك ياادم   و اقويه واستقوى به

امسك كريستالتك بششويش..عاملها معاملة خاصة ..هتنور حياتك وتعكس لك اضواء الدنيا

وياحواء لا تخافى ولا تعاندى ..ومنه وبه استقوى..واستخبى جوه لحمه…..

اذا اكتملنا ….هانبقى اقوى …هانبقى اقدر على الحياة

16031 Total Views 1 Views Today
شارك التدوينة !

عن Eve

© Copyright 2014, All Rights Reserved